Ninayo furaha kuwakaribisha katika tovuti rasmi ya Zanzibar Drug Control and Enforcement Authority (ZDCEA).
Zanzibar inaendelea kupiga hatua muhimu katika safari ya mageuzi ya kidijitali, ikiwa na dhamira ya kujenga Serikali ya kisasa, yenye ufanisi, uwazi, uwajibikaji na huduma bora kwa wananchi. Kupitia matumizi sahihi ya Teknolojia ya Habari na Mawasiliano (TEHAMA), Serikali inaweza kurahisisha utoaji wa huduma, kupunguza gharama za uendeshaji, kuongeza kasi ya maamuzi na kuimarisha ushirikiano kati ya taasisi za umma.
ZDCEA imeanzishwa ili kuratibu, kusimamia na kuendeleza utekelezaji wa Serikali Mtandao Zanzibar. Mamlaka hii ina jukumu muhimu la kuhakikisha kuwa mifumo, miundombinu, viwango na matumizi ya TEHAMA katika taasisi za umma yanazingatia usalama, ubora, ufanisi, muingiliano wa mifumo na matumizi bora ya rasilimali za Serikali.
Tovuti hii ni daraja muhimu kati ya ZDCEA, taasisi za umma, wadau wa maendeleo, sekta binafsi na wananchi. Kupitia tovuti hii, mtapata taarifa kuhusu huduma, miongozo, viwango, sera, miradi na jitihada mbalimbali zinazotekelezwa na Mamlaka katika kuimarisha Serikali Mtandao Zanzibar.
Kwa niaba ya Bodi ya Wakurugenzi, napenda kusisitiza dhamira yetu ya kuendelea kutoa usimamizi wa kimkakati, ushauri na mwelekeo utakaowezesha ZDCEA kutekeleza majukumu yake kwa ufanisi. Tunaamini kuwa mafanikio ya mageuzi ya kidijitali yanategemea ushirikiano wa karibu kati ya taasisi za Serikali, wananchi na wadau wote wa maendeleo.
Tunawaalika wadau wote kutumia tovuti hii kama chanzo rasmi cha taarifa na jukwaa la kuimarisha mawasiliano kuhusu maendeleo ya Serikali Mtandao Zanzibar.
Mjumbe